Tuladha Sesorah Sumpah Pemuda

                                                SUMPAH PEMUDA

Assalamu’alaikum Warahmatullahi Wabarakatuh

     Nuwun Bapak Ngadi ingkang dahat kinurmatan, saha rencang - rencang kelas IXB ingkang tansah kula tresnani. Sepindah sumangga kita aturaken syukur dhumateng ngarsa dalem Allah SWT, ingkang tansah paring nikmat saha rahmatipun saengga kita taksih saged ngudi kawruh, inggih menika nindakaken sekolah.

     Kula, Swasti Niramaya wonten ing wedal menika badhe ngaturaken sesorah babagan Sumpah Pemuda.

     Kita inggih sampun sami mangertosi bilih tanggal 28 Oktober bangsa Indonesia mengeti dinten Sumpah Pemuda. Inggih menika salah sawijining prastawa sakral ingkang nuduhaken dhumateng sedanten tiyang bilih bangsa Indonesia inggih menika bangsa ingkang gadah semangat berjuang, semangat nyawiji Bhineka Tunggal Ika, kalihan dados bangsa ingkang ngadeg jejeg wiwit merdika tanggal 17 Agustus 1945.

     Sumpah Pemuda menika inggih mboten ketingal ngaten kemawon, nanging gadah sejarah ingkang panjang. Kula badhe njelasaken sejarah singkatipun Sumpah Pemuda.

     Sumpah Pemuda diwiwiti nalika para pemuda ngraosaken prelu wonten perekat utawi pemersatu bangsa kita kagem ngrebat kamardikan Indonesia. Sumpah Pemuda inggih menika sumpah setya saking asil rumusan rapat pemuda – pemudi Indonesia utawi ingkang dipunwastani Kongres Pemuda I kalihan Kongres Pemuda II. Saking Kongres Pemuda I kalihan Kongres Pemuda II menika, kita saged mangertosi Sumpah Pemuda.

     Kongres Pemuda I dipunlaksanakaken ing Jakarta, minangka 30 April – 2 Mei 1926. Wonten ing kongres menika, para pemuda ngrembag wigatinipun babagan persatuan bangsa kagem perjuangan mujudaken kamardikan. Minangka tanggal 27 – 28 Oktober 1928, para pemuda sepindah malih ngawontenaken Kongres Pemuda II. Minangka tanggal 28 Oktober 1928, sedanten pemuda maosaken Sumpah Pemuda. Wiwit wedal menika, bilih tanggal 28 Oktober bangsa Indonesia mengeti dinten Sumpah Pemuda.

     Lajeng, rumusan Sumpah Pemuda menika dipunserat dening Mr. Mohammad Yamin ing kertas, minangka Mr. Mohammad Yamin mirengaken sesorah saking Mr. Sunaryo ing dinten pungkasan kongres. Dudutanipun saking wigatining Sumpah Pemuda inggih menika Satu Nusa, Satu Bangsa, Satu Bahasa. Menika ingkang saged ngrasuk ing jiwa pemuda – pemudi Indonesia menawi ngrebat, mempertahanaken, kalihan ngisi kamardikan Indonesia.

Wondenipun isi Sumpah Pemuda inggih menika :

1. Kami Putra dan Putri Indonesia mengaku bertumpah darah satu, tanah air Indonesia

2. Kami Putra dan Putri Indonesia mengaku berbangsa satu, bangsa Indonesia

3. Kami Putra dan Putri Indonesia menjunjung bahasa persatuan, bahasa Indonesia

     Isi sumpah kalihan janji menika wajib kita lestarekaken kalihan kita amalaken supados kita saged mujudaken pengarep-arep utawi cita-cita kamardikan urip makmur, adil, saha sejahtera.

Inggih menika minangka pelajar utawi murid, kita wajib semangat, mempeng anggenipun ngudi kawruh. Kalihan minangka pemuda (usia produktif) kita kedah sregep anggenipun nyambut damel ngisi pembangunan bangsa.

     Menika ingkang saged kula aturaken dhateng panjenengan sedaya babagan Sumpah Pemuda. Sumangga kita junjung inggil kaluhuran Sumpah Pemuda.

Bu Jinten mundhut klapa

Klapa diparut dadi santen

Cekap semanten atur kawula

Mbok bilih wonten klentunipun, kula nyuwun pangapunten

Wassalamu’alaikum Warahmatullahi Wabarakatuh