Tuladha Wawancara Basa Jawa

WAWANCARA

Wawancara menika wonten ing dalemipun ibu Winda

1.       Swasti   : “Assalamu’alaikum, Bu Winda. Kula badhe ngresahi wekdalipun ibu sekedhap. Badhe wawancara babagan jajan pasar ingkang ibu produksi menika. Kados kala wingi ingkang sampun kula aturaken dhateng ibu.”

Winda  : “O iyo mbak, kula meh kesupen. Mangga disekecaake lenggahe mbak.”

Swasti   : “Hehe injih bu matur suwun.”

2.       Swasti   : “Wiwit tahun pinten ibu nekuni produksi jajan pasar menika?”

Winda  : “Sampun wiwit taun 2009 kula kalihan kaluwargi bikak usaha dagang jajan pasar menika.”

3.       Swasti   : “Menapa ibu milih produksi jajan pasar menika ?”

Winda  : “Amargi kula remen sanget masak. Kula badhe migunakaken kabisan kula wonten bidang

masak. Mbok bilih saged ngasilaken untung. Sasaran pasar kula inggih menika lare – lare

sekolah. Dadosipun kula pados usaha ingkang lare – lare sekolah sami remen.”

4.       Swasti   : “Jajan pasar menapa mawon ingkang ibu produksi sak menika ?”

Winda  : “Sakmenika Alhamdulillah kula saged produksi roti kalihan gorengan ingkang diremeni

lare sekolah. Contonipun roti inggih menika :roti coklat, donat, terang bulan, brownies,

lan prol tape. Menawi gorenganipun inggih kayata : martabak telor, sosis basah, lumpia,

lan liya – liyane. Kula ugi damel pesenan snek dus kalihan dhaharan ageng ingkang dus –

dusan.”

5.       Swasti   : “Manawi badhe produksi jajan pasar injih kedah nyepakaken bahan – bahan, dhateng

pundi ibu mundhut bahan – bahanipun?”

Winda  : “Menawi tumbas bahanipun wonten supermarket kalihan toko roti. Menawi terigu, tigan,

gendhis, wonten toko utawi supermarket menika disediyani. Menawi bahan – bahan roti

ingkang radi asing utawi mboten gampil dipunpanggihi, saged mundhut wonten toko roti

ingkang sampun kathah wonten Klaten menika.”

6.       Swasti   : “Menapa mawon kalihan pinten kathahipun bahan - bahan ingkang badhe dipun damel

jajan pasar saben dintenipun?”

Winda  : “Bahanipun benten – benten mbak. Kagem conto kemawon inggih menika donat. Kagem

satunggal adonan menika kedah nyepakaken terigu satunggal kilo, gendhis pasir 35 gram,

mentega 35 gram, fermipan enem sendok teh, saha toyanipun 125 ml. Satunggal adonan

menika saged dados 60 wiji. Sedinten menika mboten namung donat mawon. Kula

anggenipun nyetor jajan inggih menika 60 wiji donat, 50 terang bulan, 25 martabak telor.

Kinten – kinten nggih kedah mbetahaken 3 kg terigu, 2 kg gendhis pasir, 3kg mentega,

tigan, meses 1kg, luncang 1kg. Dadosipun modalipun 70 ewu rupiyah.”

7.       Swasti : “Menawi sampun dados produk jajan pasar, dhateng pundi mawon ibu badhe masaraken produk menika?”

Winda : “Jajananipun dipun sade wonten sekolah – sekolah wonte n Klaten. Inggih ugi wonten warung utawi toko oleh – oleh.”

8.       Swasti   : “Reginipun per bungkus kalihan untungipun ingkang saged Ibu pendhet saking produksi jajan pasar menika pinten, bu?”

Winda  : “Satunggal bungkus kula sade setunggal ewu. Dados, untungipun ingkang saged kula pendhet sedanten inggih menika 80 ewu rupiyah”

9.       Swasti   : “Punapa ibu gadhah pepinginan utawi harapan kagem kelanjutanipun produksi jajan pasar

ibu menika?

Winda   : “Kula kepengin bikak toko piyambak, utawi catering piyambak, mbak.”

10.   Swasti   : “Ooo injih bu, mugi – mugi menapa kemawon ingkang dados pawirepanipun ibu saged dimirengaken dening Gusti Allah lajeng saged katurutan. Amin.”

Winda  : “Injih mbak, matur suwun.”

11.   Swasti : “Njih sampun, Bu Winda, amargi menika sampun cekap, kula badhe nyuwun pamit. Kula inggih nyuwun agunging pangaksami menawi kula sampun ngresahi wekdalipun ibu. Kalihan kula badhe ngaturaken matur suwun ingkang sakkathahipun amargi ibu sampun kersa kula wawancara.”

Winda  : “OOOO injih mbak, mboten menapa, mboten ngresahi hehehe. Injih mbak sami – sami. Atos – atos wonten mergi njih mbak

12.   Swasti   : “Injih bu, pareng. Assalamu’alaikum.”

Winda  : “Wa’alaikumsalam.”